港男北上奇遇講廣東話的女導遊

發表留言 人氣: 1586°c

有一次當"港男Sam"參加北京旅行團,有個北京靚女當導遊,"港男Sam"心諗今次無死啦,靚女導遊仲講中文,阿Sam感覺好親切。

靚女導遊開始自我介紹:「咁多位道友你哋好,我叫狐狸精。」 (咁多位團友你哋好,我叫胡麗貞)

女團友一聽到就牛咁眼望住自己老公/男友。

第二日……..

女導遊話:「好喇咁多位道友,今日我要帶你地去試下北京馳名既路邊狗屎,跟住帶你地上天堂」 (好喇咁多位團友,今日我要帶你地去試下北京馳名既爐邊餃子,跟住帶你地上天壇)

團中有個阿婆一聽到直情激動到連鞋都飛出黎。

阿婆好激動話:「我E家俾錢黎旅行呀!食咩狗屎?上咩天堂呀?」

食店入面:北京導遊同頭先個阿婆笑笑口講:「阿婆,你痴完未呀?」 (阿婆,你吃完未呀?)

阿婆心諗:(你又發咩神經呀?)好唔耐煩答:「未呀~」

女導遊話:「你快D死啦~你死坐走倍a上天堂啦!你仲唔痴快D?!」 (你快D食啦~你遲左九倍a上天壇啦!你仲唔吃快D~)

之後個阿婆冇再理過個女導遊。

第三日……..

女導遊話:「各位道友,今日我要帶你地去買D有特色既手信,望下你地右手邊D死八婆」 (各位團友,今日我要帶你地去買D有特色既手信,望下你地右手邊D水蜜桃)

有D飲緊水既團友聽到佢咁講野,即刻噴水

滿頭問號:「咩死八婆話?!」

跟住佢地就一致決定投訴,告個導遊既服務態度好有問題。

標籤: